شعر جشن ازدواج زهرا س وعلی ع /مازندرانی | بلاگ

شعر جشن ازدواج زهرا س وعلی ع /مازندرانی

تعرفه تبلیغات در سایت

آخرین مطالب

امکانات وب

شب جشن ازدواج علی ع وزهرا س

🌷🌷🌷🌷🌷🌷🌷🌺🌺🌺🌺🌺🌹🌹🌹🌹🌹

شویِ پیونده زهرا وعلی یه / یارون همه بووین موارک
اینجور شو ره فلک کمتر بدیعه/
پیغمبر خنه سفره دچیعه/
پیمبر محوِ زهرا وعلی یه/

ملک زنده نقاره/ گنه جشن دِ یاره
دتا گل روبرو شمه بلاره /یارون همه بووین موارک

🌷🌷🌷🌷🌷🌷🌷🌺🌺🌺🌺🌺🌹🌹🌹🌹

امشو ره ونه که شادی هاکنیم / یارون همه بووین موارک
پغمبر ره شه جه راضی هاکنیم /
دچینیم گل به یاد جشن پیوند/
شه خِد ره از غم آزادی هاکنیم /

ملک زنده نقاره/ گنه جشن دِ یاره
دتا گل روبرو شمه بلاره /یارون همه بووین موارک

🌷🌷🌷🌷🌷🌷🌷🌺🌺🌺🌺🌺🌹🌹🌹🌹

وشونه عقد خدا بالا دوسّه / همه بووین موارک
دتا نور ره باهم ات جا دوسّه /
پیوند هدا خدا اِفتاب و ماه ره/
برای مردم دنیا دوسّه /

ملک زنده نقاره/ گنه جشن دِ یاره
دتا گل روبرو شمه بلاره /یارون همه بووین موارک

🌷🌷🌷🌷🌷🌷🌷🌺🌺🌺🌺🌺🌹🌹🌹🌹

موارکا هادین این جشن علی ره / یارون همه بووین موارک
داماد نبی و ونه وصی ره /
موارکا هادین گل طاها ره/
گل خدیجه و گل نبی ره /

ملک زنده نقاره/ گنه جشن دِ یاره
دتا گل روبرو شمه بلاره /یارون همه بووین موارک

🌷🌷🌷🌷🌷🌷🌷🌺🌺🌺🌺🌺🌹🌹🌹🌹

ونه عروسی امه درس بواشه /یارون همه بووین موارک
امه جوونه فریاد رس بواشه/
سخت نعیریم انده امره عروسی/
الهی کور چش ناکس بواشه /


ملک زنده نقاره/ گنه جشن دِ یاره
دتا گل روبرو شمه بلاره /یارون همه بووین موارک

🌷🌷🌷🌷🌷🌷🌷🌺🌺🌺🌺🌺🌹🌹🌹🌹

ونه مهریه ره چنده با وقاره/ یارون همه بووین موارک
بگردم طبع قشنگه شماره /
ونه با عشق دوندیم عقد و پیمون/
(صفا ) اینجور عروسی افتخاره

ملک زنده نقاره/ گنه جشن دِ یاره
دتا گل روبرو شمه بلاره /یارون همه بووین موارک

شاعر قاسم جناتیان قادیکلایی

+ نوشته شده توسط قاسم جناتیان قادیکلائی در چهارشنبه یکم شهریور ۱۳۹۶ و ساعت 0:21 |
ازدواج,زهرا,وعلی,مازندرانی,...
نویسنده : بازدید : 3 تاريخ : جمعه 3 شهريور 1396 ساعت: 21:48