مصیبت شب بیست وسوم علی ع مازنی

شب بیست سوم شب سوم آقا علی ع

➖➖➖➖➖➖➖➖➖➖➖➖✔️✔️✔️

سه شوعه غم و غرصه دارنه مه دل / دل تسّه پاره بووه
مظلوم عالم بخته زیرِ گل /
سه شوعه که خنه بی رنگ وبوعه/
یتیمون سفره بی سک وسوعه/
سه شوعه که کوفه مولا دنیعه/
حسن وحسین بابا دنیعه/
سه شوعه که زینب بیّه عزادار/
شه پی یرِ وسّه نالنه زار زار/
سه شوعه چاه کوفه یار ندارنه/
نصفه شو همدم و غمخوار ندارنه/
سه شوعه حیدره صدا نموعه
صدای آذان مولا نموعه/
سه شوعه زنبیل سر وا نهیعه
یتیم شه دم در خرما ندیعه
هیچ کس دسه گل عزا نیارده
امت علیعه سر بلا بیارده
مولا با دلِ خون بورده زدنیا
مهمون بیّه علی با شنه زهرا
بمیرم ونسّه جفا بدیعه
بشکسّه پهلوی زهرا بدیعه
ونه سلام ره کس جواب نداعه
هرکی یک جور وره عذاب هداعه
عدالت بی علی تنها بهیعه
ونه جور کی مشکل گشا بدیعه
(صفا )خاعون مهر مرتضاعه
با عشق حیدری وه پادشاهه

شاعر قاسم جناتیان قادیکلایی

+ نوشته شده توسط قاسم جناتیان قادیکلائی در شنبه بیست و هفتم خرداد ۱۳۹۶ و ساعت 12:54 |