مناجات مازندرانی با سبک زیبا | بلاگ

مناجات مازندرانی با سبک زیبا

تعرفه تبلیغات در سایت

آخرین مطالب

امکانات وب

مناجات /مازنی
با سبک بنی فاطمه
🌷🌷🌷🌷🌷🌷🌷🌺🌺🌺🌺🌺🌺🌹🌹🌹🌹🌹🌹🍀🍀🍀

مه دل خوانه امشو جلا بیرم
با توبه من خوی خدا بیرم
مریضمه امشو شفا بیرم
بنوره ته امشو ضیاءبیرم
الهی العفو ۲

امشو بزنم من سیم آخر
بیعم ته ور ای حضرت داور
مره نکن بیرون ته از شه در
ببخش مره خدا حق حیدر
الهی العفو ۲


بمومه که مه درد دوا بووه
ته بنده دیگه سر براه بووه
دور از همه جرم و گناه بووه
پیرو راه مرتضا بووه
الهی العفو ۲


انده تره صدا زمبه داور
تا که مه رو وا هاکنی شه در
بشکسه از گناه مه بال وپر
رحمی هاکن واش منه یاور
الهی العفو ۲

مه روسیاهه شرم کمبه ته جا
فراری بی مه بهیمه پیدا
بمومه آشتی هاکنم ته جا
ببخش مره ای خالقه یکتا
الهی العفو ۲

رها نکن ته جه جدا بووم
یار شیطونه بی حیا بووم
من از گروه اشقیا بووم
(صفامه ) نوکره درگاه بووم
الهی العفو ۲

شاعر قاسم جناتیان قادیکلایی

+ نوشته شده توسط قاسم جناتیان قادیکلائی در سه شنبه نهم خرداد ۱۳۹۶ و ساعت 6:35 |
...
نویسنده : بازدید : 7 تاريخ : سه شنبه 23 خرداد 1396 ساعت: 18:06