در وفات ام البنین س شعر مازنی

تعرفه تبلیغات در سایت

امکانات وب

بانو ام در مصائب فرزندان

⬛️⬛️⬛️⬛️⬛️⬛️⬛️⬛️⚫️⬛️⬛️⬛️⬛️⚫️✔️✔️🇮🇷

داغ چارتا ریکا مره بکوشته
وشونه ماجرا مره بکوشته

بشتوسمه کربلا لاله زاره
من شه چارتا جوونای بلاره

من شه عبدالله و جعفره قربون
من شه عباس دلاوره قربون

من شه عثمان وفای بلاره
شه چارتا پهلوونای بلاره

بشتوسمه راه حق جان هدانه
دسّ بیعت ره با ظالم ندانه

شه پهلوون ریکای دور بگردم
یدِ مشگل گشای دور بگردم

من شه عباس قهرمون قربون
جان ره هدا به راه دین و ایمون

خور بمو علقمه لاله زاره
شمشیر بخرده تن بهیعه پاره

لبِ فرات پسر تشنا بمرده
اتا لب او از اون دریا نخرده

جوونمرد بیعه. و هاکرده ایثار
شه برار وسّه نداشته قرار

تا جان داشته برار ره یار بهیعه
خاخره خیمهٔ پاسدار بهیعه

شه دست و سر راه قرآن هداعه
راه عالیه و ایمان هداعه

بقیع شومبه هر روز من با دل خون
چارتا قور سازمبه یاد شه وچون

غریب ولایت بوردنه در گور
من شه حسین تن پارهٔ دور

(صفا )مار نواجش انه مه گوش
که داغ جوونا نونه فراموش


شاعر قاسم جناتیان قادیکلایی

@shafabat

+ نوشته شده توسط قاسم جناتیان قادیکلائی در دوشنبه هفتم اسفند ۱۳۹۶ و ساعت 10:13 |

نویسنده : بازدید : 2 تاريخ : دوشنبه 14 اسفند 1396 ساعت: 18:48
برچسب‌ها :

خبرنامه

عضویت

نام کاربري :
رمز عبور :