بوردی کربلا ته شه رفیقا ره یاد دار اون کس که بوته التماس دعاره یاد دار | بلاگ

بوردی کربلا ته شه رفیقا ره یاد دار اون کس که بوته التماس دعاره یاد دار

تعرفه تبلیغات در سایت

آخرین مطالب

امکانات وب

زبانحال با زائره یاد دار

حرمت زائر بدرقه بمونه دوستان
بوردی کربلا شه محلّی هاره ره یاد دار

چاوش خوندسّه پیر و جون زونه ناله
اون پیرو جوون دَیْنِه ته همراه ره یاد دار

برسّی اونجه درده بی دوا ره یاد دار
مریض و تب دار اون تخت بالا ره یاد دار

اون خاخر بوته دعا هاکن مه جوون ره
الان چند سالِ ، وه دره کماء ره یاد دار

بوردی قتله گاه مقتل حسین زهرا
بی پول و گرفتار و بی نوا ره یاد دار

بدی شش گوشه قوره دل هداعی جلا
راه مولا و هم ونه حرفا ره یاد دار

بیعت نکرده با ظلم و جفای دوران
این درس هدا وه به شیعه هاره یادار

بوردی کربلا بدی ته نهرِ علقمه
وفا و مهر حضرت سقا ره یاد دار

بوردی ته فرات اویِ پر خروش ره بدی
جیگر بسوت و لبه تشنا ره یاد دار

تلّ زینبِ بالا بوردی هاکن افغون
نالهٔ خاخر زینب کبرا ره یاد دار

بوردی ته خیمه هارِشی اون سرزمین ره
خیمه گاه قاسم نو کدخدا ره یاد دار

بوردی ته نجف ایوون طلای دیدار
سلام دوستان به شیرِ خداره یادار

بوردی ته کوفه محراب علیّ دیدار
اون نالهٔ شو که زوئه مولاره یاد دار

مسجد سهله جای پای شه مولاره
خش هاده هردم صاحب دنیاره یادار

کاظمین بوردی غریب ره زائر بهووی
ونه زاری و زندون بلاره یاد دار

هرکجه شونی خوندنی ته مه شعراره
قاسم جنتی یعنی ته( صفا) ره یاد دار

شاعر قاسم جناتیان قادیکلایی

+ نوشته شده توسط قاسم جناتیان قادیکلائی در یکشنبه هشتم بهمن ۱۳۹۶ و ساعت 8:36 |

...
نویسنده : بازدید : 3 تاريخ : يکشنبه 15 بهمن 1396 ساعت: 1:44